Հուլիսի 9-ին ՀՀ նախագահի գործընկեր կազմակերպության` Հայաստանի երիտասարդական հիմնադրամի կողմից հայտարարված դրամաշնորհների ծրագրերի մրցութային հանձնաժողովի նիստում քննարկվեցին գյուղական համայնքների խնդիրներին առնչվող անվանակարգերում ներկայացված հայտերը։ Այս անվանակարգում ընդունվել է 14 հայտ։
ՀՀ տարածքային կառավարման նախարարության ներկայացուցիչ, մրցութային հանձնաժողովի անդամ Հովհաննես Օհանյանը բավարար գնահատեց ներկայացված հայտերը։ Նա առանձնացրեց մարզային համայնքներում բնակիչների հմտությունների բարձրացմանը, ինչպես նաև բնակիչների՝ համայնքային կյանքի կառավարմանը, զարգացմանը ներգրավվելուն ուղղված ծրագրերը։
Հովհաննես Օհանյանը նկատեց, որ գյուղական համայնքների խնդիրներին առնչվող անվանակարգերն անհրաժեշտ են։ «Մեզ պետք են ծրագրեր հատկապես հեռավոր, սահմանամերձ տարածքներում։ Պետք է կարողանանք խթանել զբաղվածությունն այդ շրջաններում, աշխատանքներ կատարենք գյուղերում տեղական ինքնակառավարման գործընթացին բնակչության մասնակցության խթանման ուղղությամբ»,- նշեց ՀՀ տարածքային կառավարման նախարարության ներկայացուցիչը։
Հայաստանի երիտասարդական հիմնադրամի հասարակայնության հետ կապերի ծառայություն
.gif)
