Սեպտեմբերի 8-12-ը Հայաստանի երիտասարդական հիմնադրամը Ծաղկաձորի երիտասարդական կենտրոնում կազմակերպել է «Փրկություն» հաշմանդամ երեխաների և երիտասարդների կենտրոն» ՀԿ-ի ցերեկային խնամքի կենտրոնի մտավոր խնդիրներ ունեցող 52 դեռահասների և երիտասարդների, ինչպես նաև նրանց ուղեկցող 16 անձանց հանգիստը։
«Փրկություն» ՀԿ-ի ղեկավար Արփինե Աբրահամյանը նշում է, որ արդեն երրորդ տարին է՝ Հայաստանի երիտասարդական հիմնադրամի աջակցությամբ կարողանում են իրենց շահառուների հանգիստը կազմակերպել։ ՀԿ-ի՝ մտավորխնդիրներունեցողերեխաներիուերիտասարդներիցերեկայինխնամքիևառօրյազբաղվածությանկենտրոնի շահառուներն այս տարի ամռանն արդեն եռօրյա հանգիստ ունեցել էին Ծաղկաձորի երիտասարդական կենտրոնում։ Հնգօրյա այս այցն էլ, Արփինե Աբրահամյանի տեղեկացմամբ, կազմակերպվել է ՀՀ վարչապետին իրենց շահառուների ծնողների դիմում-խնդրանքի արդյունքում։
«Փրկություն» ՀԿ-ի նախագահը նշեց, որ հանգստացողների համար Ծաղկաձորում անցկացվում են զարգացնող խաղեր, մրցույթներ, էքսկուրսիաներ։ Ծաղկաձորի քաղաքապետարանի աջակցությամբ էլ պատանիներն ու երիտասարդները շրջել են քաղաքում, այցելել Կեչառիս վանական համալիր, եղել են Օրբելի եղբայրների թանգարանում։
.gif)
