«Նոր Ժամանակներ» կուսակցության ղեկավար Արամ Կարապետյանը սոցցանցի իր էջում անդրադարձել է ՀՀ նախագահ Սերժ Սարգսյանի արած հայտարարությանը` ԲՀԿ ղեկավար Գագիկ Ծառուկյանի հասցեին:
«Ես երբեք չեմ ընդունել ու չեմ ընդունում օլիգարխներին քաղաքականության մեջ…Չեմ ուզում քննարկել Սերժ Սարգսյանի այսօրվա ելույթի քաղաքական մասը…Դրա հարմար առիթը դեռ կունենամ: Սակայն ուզում եմ նշել մեկ բան` ես երբեք չեմ լսել որ Գագիկ Ծառուկյան անհատը որևէ քաղաքական դեմքի իր խոսքով անձնապես վիրավորի…Այդպիսի բան ես չեմ հիշում…Եվ շատ տգեղ է, երբ դա անում է քաղաքական էլիտայի «ամենապատրաստված» անհատը… »,-գրել է նա:
Հիշեցնենք, որ այսօր Սերժ Սարգսյանը, անդրադառնալով ԲՀԿ-ի և նրա առաջնորդ Գագիկ Ծառուկյանի գործունեությանը, նշել էր.«Տարիներ շարունակ ես եմ ուղղակիորեն արգելել ձեզ հրապարակավ հանդես գալու Ծառուկյան Գագիկի բոլոր անհեթեթությունների դեմ՝ անձամբ փակելով այդ քաոսը, ե՛ս եմ արգելել որևէ մեկին հոլովել ժողովրդի կողմից դակված «Դոդի Գագո» կնիքը, ե՛ս եմ բոլորիդ հորդորել ժամանակ տալ այստեղ-այնտեղ հնչեցրած հերթական վտանգավոր նախադասությունից հետո՝ բացատրելով, որ նա ուղղի իր սխալը»:
.gif)
