Սեպտեմբերի 27-ից Հայաստանի ռազմավարական գործընկեր Ռուսաստանի Դաշնությունը արգելանք է դնելու հայկական իշխանի ներկրման վրա` պատճառաբանելով, թե այդ ձկնատեսակի խմբաքանակում հայտնաբերվել են աղիքային ցուպիկներ: Ըստ հայ ձկնաբույծների`ռուսական կողմից որևէ պաշտոնական հիմնավորում կամ հետազոտությունների պատասխան չի ներկայացվել: Ոլորտի մասնագետների կարծիքով`ռուսական կողմի այդ քայլն արվել է` մրցակից երկրների` Թուրքիայի և Նորվեգիայի ձկնաբույծների հետ ունեցած պայմանավորվածություններից ելնելով: ՀՀ ձկնաբույծների միության նախագահ Արթուր Աթոյանի գնահատմամբ` այս արգելանքի արդյունքում ձկնաբուծական տնտեսությունների 30 տոկոսը կքայքայվի: Այս իրավիճակում թերևս միակ լավ բանն այն է, որ մի քանի ամիս ազգովի էժան ձուկ կուտենք: Ափսոս, որ հայրենի ձկնաբույծների սննկացման հաշվին: Իսկ ՀՀ գյուղատնտեսության նախարար, ՕԵԿ-ական Սերգո Կարապետյանը ձկան պես լուռ է:
.gif)
