Ստամբուլում հատուկ ջոկատայիններն արցունքաբեր գազ են օգտագործել՝ Աշխատավորների համերաշխության օրվան նվիրված բողոքի ցույցերը ցրելու համար, գրում է Lenta.ru-ն:
Փակված են քաղաքի կենտրոն տանող բոլոր ճանապարհները, ինչը սահմանափակել է հասարակական տրանսպորտի երթևեկությունը:
Շուրջ 2000 մարդ հավաքվել է Բեշիկթաշի շրջանում՝ ցանկանալով երթով հասնել Թաքսիմի հրապարակ, որը քաղաքի իշխանությունների որոշմամբ մեկ օրով փակվել էր զանգվածային ցանկացած միջոցառումների համար:
Չնայած արգելքին, ցուցարարները սկսել են շարժվել դեպի Թաքսիմի հրապարակ: Ոստիկանությունն արցունքաբեր գազ է կիրառել, ի պատասխան ցուցարարները սկսել են հրկիզվող նյութով շշեր նետել:
Իսկ բուն հրապարակում ներխուժած Թուրքիայի Կոմունիստական կուսակցության ակտիվիստների խմբի ու իրավապահ մարմինների միջև ծեծկռտուք է տեղի ունեցել: Ձերբակալվել է 5 մարդ:
.gif)
