Ինձ մրցակից եմ համարում Գագիկ Ծառուկյանին ու իր շքախմբին. Արթուր Հարությունյան՝ Պալաչ (տեսանյութ)

Աբովյանի քաղաքապետի ընտրություններում ինքնաառաջադրված թեկնածու Արթուր Հարությունյանը՝ Պալաչը, վստահ է, որ ՀՀ նախագահ Սերժ Սարգսյանը տեղյակ չէ իր դեմ կիրառվող ճնշումների, եղբորը և թիմակիցներին բերման ենթարկելու մասին, այլապես չէր թողնի դա:

Armlur.am-ի հետ զրույցում քաղաքապետի թեկնածուն անդրադարձավ իր շանսերին, «կեղծ» Արթուր Հարությունյանի հետ պայքարին և իր թիմակիցներին բերման ենթարկելուն: 

– Պարոն Հարությունյան, ո՞ւմ եք համարում ձեզ գլխավոր մրցակիցներ:

– Ինձ մրցակից եմ համարում Էդվին Թադևոսյանին. ես համարում եմ մրցակից նաև Գագիկ Ծառուկյանին:

– Գագիկ Ծառուկյանի՞ն:

– Այո, քանի որ նա հովանավորում է Վահագն Գևորգյանին:

– Դուք նշել էիք, թե միակ թեկնածուն դուք եք և Գագիկ Ծառուկյանի շքախումբը: Հիմա՞ էլ եք այդ կարծիքին:

– Այո, իհարկե:

– Ձեր շանսերն այդ մթնոլորտում ինչպե՞ս եք գնահատում:

– Ես շանսերը շատ նորմալ եմ գնահատում, դրա համար մենք շարունակում ենք մեր քարոզարշավը:

– Իսկ մյուս Արթուր Հարությունյանին մրցակից համարո՞ւմ եք:

– Այդ ո՞վ է:

– Չեք ճանաչո՞ւմ:

– Իսկ դուք ճանաչո՞ւմ եք, որևէ մեկը ճանաչո՞ւմ է: Գտել են նույն անուն ազգանունով, տարել են հովանավորների մոտ, ինչ-որ բաներ խոստացել, որ նույնիսկ վախենար տանից դուրս գար: Բոլորն էլ հասկանում են, թե դա ով է, բայց դա ավելի շատ է ոգևորում մեզ:

– Բայց Աբովյանում առկա վախի մթնոլորտը թույլ կտա՞, որ աբովյանցին կատարի իր ընտրությունը:

– Այո, իհարկե: Այս անգամ աբովյանցին նախկին աբովյանցին չի: Էլ չեն կարող աբովյանցուն վախեցնել, փորձեն ստիպել: Մանկապարտեզներում, դպրոցներում ստիպում են, որ գան, ներկա լինեն իրենց թեկնածուի քարոզարշավին:

– Ո՞վ է այդ վախի մթնոլորտը ստեղծել:

– Ես անուններ չեմ տա, բայց ով որ երկար տարիներ իշխել է այստեղ, ըստ դրա էլ թողնում եմ այդ դատողությունը մեր հասարակությանը:

– Օրեր առաջ ձեր թիմակիցներին էին բերման ենթարկել, այս կերպ փորձում են ճնշե՞լ ձեզ:

– Կապում եմ մի բանի հետ միայն, որ մեր հակառակորդը գաղափարապես շատ թույլ է և իրենք ցույց են տալից իրենց թուլությունը: Իրենք լավ լսում են, լավ գիտեն, թե ում մասին է խոսքը: Սա թույլ մարդու արարք է: Բայց վստահ եմ, որ այս ամենի մասին երկրի նախագահը տեղյակ չէ: Դժվար թե իմանա, ես այսպես եմ մտածում: Եթե տեղյակ լիներ՝ օրենքի կետը կպաշտպաներ:

Նաիրա Հովհաննիսյան

Մանրամասները՝ Armlur.am-ի տեսանյութում