Թբիլիսիում կայացած «Միսս Մոլորակ» միջազգային մրցույթի մրցանակակիր է դարձել 18-ամյա վրացի մոդել Տինատին (Տիկո) Բաբլուանին, հայտնում է Sputnik Georgia-ն:
Մրցույթին մասնակցել են 26 աղջիկներ աշխարհի տարբեր երկրներից: Վրաստանում «Միսս Մոլորակ» մրցույթի եզրափակիչ փուլն առաջին անգամ էր անց կացվում: Մասնակիցները մրցել են ազգային հագուստներով, լողազգեստներով և տաղանդների մրցույթում: Հաղթողին ընտրել են միջազգային ժյուրիի անդամները, որի կազմում ընդգրկված են եղել 20 երկրների ներկայացուցիչներ:
Հայաստանի մասնակիցը՝ Դայանա Դավթյանը, արժանացել է «Միսս նրբագեղություն» մրցանակին:
«ՓոխՄիսս Մոլորակ» տիտղոսին է արժանացել Շվեդիայի ներկայացուցիչը:
Ռուսները հաղթել են միանգամից 4 անվանակարգերում՝ «Միսս հմայք», «Միսս թոփ մոդել», «Միսս սպորտ» և «Միսս տաղանդ»: Լատվիան դարձել է «Միսս մամուլ» մրցանակակիր, Ղրիմի ներկայացուցիչը՝ «Միսս անհատականություն», իսկ հոլանդուհին՝ «Միսս ժպիտ»:
.gif)
