Սերխիո Բուսկետսը կերկարաձգի «Բարսելոնա»-ի հետ պայմանագիրը

Կատալոնական «Բարսելոնա»-ի ղեկավարությունը համաձայնության է հասել թիմի կիսապաշտպան Սերխիո Բուսկետսի հետ՝ պայմանագրի ժամկետի երկարաձգման հարցում:

Mundo Deportivo-ն հայտնում է, որ նոր պայմանագրով նախատեսված է ֆուտբոլիստի աշխատավարձի բարձրացում: 27-ամյա կիսապաշտպանի գործող պայմանագրի ժամկետն ուժի մեջ է մինչև 2019 թվականը: Իսպանիայի առաջնության ընթացիկ մրցաշրջանում Բուսկետսն անցկացրել է 13 հանդիպում, մեկ գոլային փոխանցում է կատարել: