Քրդերի հարձակման հետևանքով թուրք զինծառայողներ և ոստիկաններ են զոհվել

3 զինծառայող և 1 ոստիկան են զոհվել թուրքական Մարդին նահանգում Քրդստանի Աշխատավորական կուսակցության զինյալների հարձակման հետևանքով, փոխանցում է «Իհլաս» գործակալությունը:

ՔԱԿ զինյալները պայթեցրել են ականապատ մեքենան, ինչպես նաև գործի դրել ինքնաշեն պայթուցիկ սարքը:

Եվս մեկ զինծառայող և 6 ոստիկան վնասվածքներով հիվանդանոց են տեղափոխվել:

Թուրքական մի շարք նահանգներում շուրջօրյա պարետային ժամ է գործում: