Սիրտս կախ է, որ գոնե մի թուրքի չհասցրի գյուլլեմ. կամավոր Մարտակերտ մեկնած ազատամարտիկը պատմում է՝ ինչպես հակառակորդը պայթեցրեց շտաբը (տեսանյութ)

Միակ բանը, ինչի համար սիրտս կախ է, էն է, որ չհասցրի գոնե մի թուրքի գյուլլեմ: Կամավոր առաջին գիծ գնացած Լեոնիդ Գևորգյանի խոսքերն են: Ապրիլի 4-ին իր 40 կռվող ընկերների հետ Լեոնիդ Գևորգյանը Գավառից Արցախ էր մեկնել, ասում է՝ չէինք պատկերացնի, որ թուրքը վերևից կգա, մտածում էինք դիմացից կհանդիպենք ու մեր գործը կանենք:

Լեոնիդ Գևորգյանը վիրավորվել է հակառակորդի հրետակոծությունից. անօդաչու թռչող սարքով էին հարձակումն իրականացրել:

Ցավոք, տղաներից մեկը զոհվել է: Եվ Լեոնիդ Գևորգյանն այսօր էլ հայտարարում է, որ լիովին կազդուրվելուն պես կրկին սահման է գնալու՝ որդին, թոռը, ազգականների 80 տոկոսը, ինչպես ինքն է ասում, հայրենիքի պաշտպանության գործն են ստանձնել:

Ավելի մանրամասն՝ ArmLur.am-ի տեսանյութում:

Տաթև Հարությունյան, Հովսեփ Հովսեփյան, Նարեկ Սարգսյան