Թուրքիայի պաշտպանության նախարար Ֆիքրի Իշըկը հայտարարել է, որ Թուրքիան Ռուսաստանի հետ С-400 մեծ և միջին հեռահարության զենիթահրթիռային համակարգերի գնման շուրջ բանակցություններ է վարում:
Ավելի վաղ Թուրքիայի նախագահի մամուլի քարտուղար Իբրահիմ Քալընը հայտարարել էր, որ Մոսկվան և Անկարան մշակում են հակահրթիռային պաշտպանական համակարգերի թուրքական ազգային ծրագրի ստեղծման հարցով հնարավոր համագործակցության մանրամասները, այդ հարցը քննարկվել է հոկտեմբերի 10-ին Ստամբուլում Պուտին-Էրդողան հանդիպման ժամանակ:
«Հույս ունենք, որ ՆԱՏՕ-ի անդամ երկրները լուրջ կվերաբերվեն այդ հարցին, և մեր համակարգը կհամատեղի Դաշինքի պահանջների հետ: Սակայն մենք ոչ մի դեպքում չենք մերժի Ռուսաստանի առաջարկն ու ակտիվորեն կմշակենք այն»,-ասել է Իշըկը թուրքական NTV-ի եթերում:
.gif)
