«Երևանի Մխիթար Հերացու անվան պետական բժշկական համալսարան» հիմնադրամի հոգաբարձուների խորհուրդը հայտարարել էր մրցույթ ԵՊԲՀ ռեկտորի պաշտոնի համար, որին կարող են մասնակցել ՀՀ այն գործունակ քաղաքացիները, ովքեր ունեն գիտությունների դոկտորի աստիճան և (կամ) պրոֆեսորի գիտական կոչում:
ArmLur.am-ը ԵՊԲՀ մամուլի պատասխանատու Տաթևիկ Գրիգորյանից հետաքրքրվեց, թե արդյոք մինչ օրս դիմողներ եղել են: Մեր հարցին ի պատասխան նա նշեց, որ բոլոր դիմումները հավաքագրվում են ԵՊԲՀ հոգաբարձուների խորհրդի քարտուղարի գրասենյակում, միայն կարող է ասել, որ Արմեն Մուրադյանն արդեն ներկայացրել է բոլոր անհրաժեշտ փաստաթղթերը՝ ԵՊԲՀ ռեկտորի պաշտոնի մրցույթին մասնակցելու համար:
Հիշեցնենք, որ առողջապահության նախկին նախարար Արմեն Մուրադյանը Երևանի պետական բժշկական համալսարանի խորհրդի նիստով հաստատվել էր որպես բուհի ռեկտորի ժամանակավոր պաշտոնակատար, իսկ մրցույթը տեղի է ունենալու 2016 թվականի դեկտեմբերի 24-ին, ժամը 10:00-ին, Երևանի Մխիթար Հերացու անվան պետական բժշկական համալսարանում:
.gif)
