ՀԱՐՑ- Ես Մարտունուց եմ եւ հաճախ եմ Երեւան գնում-գալիս, բայց ամեն անգամ զզվում եմ էդ «գազելներին» հազար ժամ սպասելուց: Ինչո՞ւ այլ երկրների նման չկան կոնկրետ ժամեր, որ շարժվեն էդ «գազելները»: ԺԱՍՄԻՆ ՍԱՂԱԹԵԼՅԱՆ, 42տարեկան, առեւտրականՊԱՏԱՍԽԱՆ. ՀՀ տրանսպորտի եւ կապի նախարարի 2004 թվականի նոյեմբերի 2-ի թիվ 360-Ա հրամանով հաստատված 1-ին եւ 2-րդ հավելվածների համաձայն` Մարտունուց Երեւան եւ հակառակ ուղղությամբ թիվ 306 եւ 307 միջմարզային միկրոավտոբուսային երթուղիները սպասարկվում են հետեւյալ ժամերին` Մարտունուց Երեւան            Երեւանից Մարտունի1.    8:00                                      10:002.    9:00                                      11:003.        11:00                                      12:154.    12:00                                      13:455.    13:00                                      14:306.    14:15                                      15:307.    15:30                                      16:308.    16:45                                      17:309.    18:00                                      18:30Տեղեկացնենք, որ նույն չվացուցակը փակցված է ե՛ւ Մարտունու ավտոկայանում, ե՛ւ Երեւանի «Հյուսիսային» ավտոկայանում, որտեղից էլ իրականացվում է Երեւան-Մարտունի երթուղու սպասարկումը:                                                                                                          Սուսաննա Տոնոյան`   ՀՀ տրանսպորտի եւ կապի նախարարի մամուլի քարտուղար«ԺՈՂՈՎՈՒՐԴ».  Սա պաշտոնապես, իսկ իրականում բոլորին է հայտնի, որ հատկապես միջմարզային երթուղային տաքսիները խայտառակ վատ սպասարկում են իրականացնում: Երթուղայինները շարժվում են, երբ մարդիկ լցվեն` անկախ պաշտոնապես սահմանված ժամերից: Լավագույն դեպքում աշխատում են հարմարեցնել ժամերը պաշտոնականի հետ բավականին անհաջող կերպով: Սակայն, ինչպես երեւում է պաշտոնական պատասխանից, նոր օրինաց նախարար Մանուկ Վարդանյանը ամենեւին էլ չի ցանկանում կարգավորել այդ ոլորտը: Նա ջանում է «յոլա» տանել: Ի՞նչ կարիք կա տարբեր տեսակի բոգոների հետ խնդիրներ ունենալ, նրանք գծատերեր են, հո պատահական մարդիկ չե՞ն: