Արագածոտնի մարզի Շենկան գյուղում այս գիշեր հղի կնոջը «Շտապօգնության» մեքենային են մոտեցրել փրկարարները:
Ինչպես հայտնում են ԱԻՆ լրատվական ծառայությունից, ժամը 04.43-ին տեղեկություն է ստացվել, որ Արագածոտնի մարզի Շենկանի գյուղում կինը ծննդաբերում է, շտապօգնության մեքենան ճանապարհի դժվարանցանելիության պատճառով մնացել է գյուղի սկզբնամասում. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Փրկարարները կնոջը մոտեցրել են շտապօգնության ավտոմեքենային:
Այս առնչությամբ ArmLur.am-ն զրուցեց Շենկան գյուղի գյուղապետ Ժորա Չոլոյանի հետ: Վերջինս մեզ հետ զրույցում նշեց, որ կնոջը բարեհաջող հասցրել են հիվանդանոց:
.gif)
