Հայոց ցեղասպանության մասին պատմող «Ոչնչացնելու մտադրություն» (Intent to Destroy) անվանմամբ փաստագրական ֆիլմի պրեմիերան, որի հեղինակը ամերիկյան Էմմի հեռուստամրցանակաբաշխության դափնեկիր, հայտնի փաստագրագետ Ջո Բեռլինգերն է, կկայանա Նյու Յորքում «Թրայբեկա» կինոփառատոնի ժամանակ:
«Բեռլինգերը հայտնի «Խոստումը» ֆիլմի հիման վրա պատմում է Հայոց ցեղասպանության, ինչպես նաև Թուրքիայի ժխտող քաղաքականության և նրա ռազմավարական գործընկերների մասին»,-գրում է ամերիկյան EntertainmentWeekly պարբերականը:
Նշվում է նաև, որ պրեմիերայից հետո կկայանա բանավեճ ֆիլմի հեղինակի հետ, որին կմասնակցեն նաև System of A Down ռոք խմբի մեներգիչ Սերժ Թանկյանը, «Խոստումը» ֆիլմի պրոդյուսեր Էրիկ Իսրաելյանն ու գրող Փիթեր Բալաքյանը:
«Թրայբեկա» կինոփառատոնը հիմնադրվել է 2002թ. ամերիկացի հայտնի դերասան Ռոբերտ դե Նիրոյի կողմից:
.gif)
