ՀՀ մշակույթի նախարարության «Մշակութային կանգառ» ծրագրով Հայաստանի մի շարք համայնքներում հունիսի երկրորդ կեսին ելույթ կունենա Թբիլիսիի Պետրոս Ադամյանի անվան պետական հայկական դրամատիկական թատրոնը (գեղարվեստական ղեկավար՝ Արմեն Բայանդուրյան):
Հայաստանի սահմաններից դուրս գործող միակ պետական հայկական թատրոնն իր խաղացանկային՝ Սանդլաժի «Օրը՝ անձրևոտ…» (բեմադրությունը՝ Ա. Բայանդուրյանի) ներկայացմամբ հունիսի 18-ին հանդես կգա Սպիտակի Մշակույթի տանը, հունիսի 19-ին՝ Հաղարծնի Մշակույթի տանը, հունիսի 20-ին՝ Գյումրու Վ. Աճեմյանի անվան պետական դրամատիկական թատրոնում, հունիսի 21-ին՝ Ստեփանավանի Ա.Մարգարյանի անվան մշակույթի տանը, հունիսի 22-ին՝ Իջևանի Մշակույթի տանը, հունիսի 23-ին՝ Վանաձորի Հ. Աբելյանի անվան պետական դրամատիկական թատրոնում, հունիսի 24-ին՝ Ալավերդու Մշակույթի տանը:
Տոմսերի վաճառքը կսկսվի հունիսի 13-ից՝ տեղական տոմսարկղերում։
Այն ներկայացումների տոմսերի գինը, որոնք նախատեսված են թատրոնների բեմում, նույնն է, ինչ տեղական թատրոնի ներկայացումների տոմսերի գինն է, մյուս վայրերում ներկայացումների տոմսերի արժեքը 300-500 դրամ է։
.gif)
