Երեւանում հոսանքահարվել են քաղաքացիներ. նրանցից մեկի վիճակը ծանր է

Հայաստանի ԱԻՆ-ում, այսօր՝ հուլիսի 29-ին, ժամը 01:32-ին ահազանգ է ստացվել, որ Երեւան քաղաքի Նորագավիթի 1-ին փողոցի 2-րդ փակուղում գտնվող ենթակայանում հոսանքահարված քաղաքացի կա. անհրաժեշտ է շտապօգնություն:

Դեպքի վայր է մեկնել մեկ մարտական:

Տեղազննման արդյունքում ծուխ չի հայտնաբերվել:

Պարզվել է, որ թիվ 52 բաշխիչ էլ. ենթակայանում հոսանքահարվել է՝ 67-ամյա Կ. Ն.-ն, ում օգնություն ցուցաբերելով, այրվածքներ է ստացել՝ 67-ամյա Ա. Հ.-ն:

Փրկարարները Կ. Ն.-ին մոտեցրել են շտապօգնության ավտոմեքենային: Տուժածները հոսպիտալացվել են «Արմենիա» ՀԲԿ, այնուհետեւ՝ ճառագայթային բժշկության եւ այրվածքների գիտական կենտրոն, որտեղ Կ. Ն.-ի առողջական վիճակը գնահատվել է ծանր, իսկ Ա. Հ.-ն ստանալով համապատասխան բժշկական օգնություն դուրս է գրվել: