«Ժողովուրդ»-ի ունեցած տեղեկություններով ՀՀ ՊԵԿ նախագահ Գագիկ Խաչատրյանը վաճառքի է հանել իրեն պատկանող բիզնեսների եւ անշարժ գույքի մի մասը: Մասնավորապես, ըստ մեր տեղեկությունների՝ վաճառքի են հանվել «Նայք» սպորտային հագուստի բրենդային խանութը, Երեւանի կենտրոնում վարձակալությամբ տրված թվով 4 այլ խանութներ, «Գալաքսի» տաքսի ծառայությունը, ինչպես նաեւ Լոնդոնում գտնվող մի շինություն: Փորձելով ճշտել լուրի իսկությունը՝ «Ժողովուրդ»-ը դիմեց ՊԵԿ լրատվական բաժին, որտեղից խոստացան արձագանքել տեղեկատվությունը հրապարակելուց հետո: Քանի որ առայժմ չունենք որեւէ պաշտոնական պարզաբանում, ուստի մեզ թույլ ենք տալիս ենթադրել, որ Գ. Խաչատրյանի ունեցվածքի համատարած վաճառքը կապված է առաջիկայում նրա հնարավոր պաշտոնանկության հետ: Եվ, քանի որ վերջինս լավ գիտի, թե ինչքան դժվար է ՀՀ-ում առանց հարկային մարմինների հովանավորության բիզնես անել, որոշել է նախապես վաճառել բիզնեսը եւ տեղափոխել այլ երկրներ:
.gif)
