«Մրցույթները եղել են բաց, գաղտնի, որոնց ընթացքին հետեւել են բազմաթիվ  լրագրողներ»:Արտաշես Թումանյան «Առավոտ»Հիմա  չհասկացանք` այդ  մրցույթները բաց են եղել, թե գաղտնի: Ընդհանրապես, եթե մի բան բաց է, ապա այն չի կարող գաղտնի լինել, եւ հակառակը: Սակայն, հաշվի առնելով  «Լինսի»  փողերով արված աշխատանքի մասին  պարոն Թումանյանի վերջերս հնչեցրած ինքնագնահատականը, պետք չէ զարմանալ անհամատեղելին համատեղելու նրա տարօրինակ ձգտման վրա: Եթե մարդը ամենաչկոռումպացվածն ու որակյալն է համարում մի ծրագիր, որի արդյունքում միլիոնավոր դոլարներ թալանվեցին եւ համատարած կերպով  խայտառակ որակի աշխատանքներ կատարվեցին, ապա  գաղտնի ու բաց հասկացությունների համադրումը մանրուք է թալանի ու չկոռումպացվածության երեւույթների  նույնականացման համեմատ: