Հունիսի 18-ին, ժամը 12:00-ին, Մեդիա կենտրոնում տեղի ունեցավ քննարկում «Մարզային բուհեր. բարձրացնել կրթության որա՞կը, թե՞ լուծարել բուհը. որո՞նք են լուծումները» թեմայով:
Քննարկման բանախոսներն էին՝
Սամվել Կարաբեկյան՝ ՀՀ կրթության, գիտության, մշակույթի և սպորտի նախարարի խորհրդական
Միշա Թադևոսյան՝ «Կրթական քաղաքացիական նախաձեռնության» անդամ
Սեյրան Մարտիրոսյան՝ Շիրակի պետական համալսարանի հոգաբարձուների խորհրդի անդամ
Կարեն Ավագյան՝ Շիրակի պետական համալսարանի հոգաբարձուների խորհրդի քարտուղար
Գևորգ Ղուկասյան՝ «Ռեստարտ Գյումրի»
***
Հունիսի 19-ին, ժամը 11.00 «Տեսակետ» մամուլի ակումբի հյուրն է Ադրբեջանահայ փախստականների ասամբլեայի նախագահ, ադրբեջանագետ Գրիգորի Այվազյանը: Թեման՝ «Հունիսի 20-ին՝ Փախստականների միջազգային օրվան ընդառաջ: Հայ փախստականների ներկայիս վիճակը և խնդիրները: Ադրբեջանական համայնքի լեգիտիմացման գործընթացը ԵԱՀԿ կողմից. վտանգները: ԼՂ հիմնախնդիր. վերջին զարգացումները, Արցախի ու Ֆրանսիայի քաղաքների միջև հռչակագրերի չեղարկումը, հարակից հարցեր»:
***
Հունիսի 19-ին՝ ժամը 12:00-ին , «Հենարան» մամուլի ակումբում կհյուրընկալվի քաղտեխնոլոգ Վիգեն Հակոբյանը:
ԹԵՄԱ՝ ներքաղաքական օրակարգը . ՔՊ համագումարը. Արցախի անվտանգությունը. Մնացականյան Մամեդյարով հանդիպմանն ընդառաջ:
***
Հունիսի 19-ին ժամը՝ 12.00-ին «Նոյյան Տապան» լրատվական գործակալության մամուլի սրահում (Իսահակյան 28. 3-րդ հարկ) փախստականների միջազգային օրվան ընդառաջ տեղի կունենա ասուլիս՝ ադրբեջանահայ փախստականների մասնակցությամբ։
Թեման՝ Փախստականները մեր օրերում. նրանց նկատմամբ պետության և հանրության վերաբերմունքը. ադրբեջանահայ փախստականների հարցը. լուծված և չլուծված խնդիրները։ Փախստականներին նվիրված միջոցառումները և ծրագրերը»։
Բանախոսներն են
Մարիամ Ավագյան – Ադրբեջանական ԽՍՀ-ից փախստականների համագումար
Մարտին Իսրայելյան – <<Ադրբեջանական ԽՍՀ-ի հայերի միավորում >> ՀԿ
Գրիշա Օգանեզով – Հայ փախստականների աջակցման “Ահազանգ” ՀԿ
Ռոբերտ Խաչատուրյան – Բաքվեցի համերկրացիների “Միասնություն” ՀԿ
Զոյա Ջուլհակյան – “Քարավան-88” ԲՀԿ
Մարետա Սարդարյան – “Եղիցի լույս կույրերին” ԲՀԿ
***
Հունիսի 19-ին, ժամը 12:00-ին «Մեդիա կենտրոնում» տեղի կունենա քննարկում «Հարկային նոր օրենսգիրք․ հնարավորություններ և մտահոգություններ» թեմայով:
Հունիսի 7-ին Ազգային ժողովն առաջին ընթերցմամբ ընդունեց Հարկային օրենգրքում կատարված փոփոխությունները, որոնցով ներդրվում է միասնական եկամտային հարկի համակարգը։ Ընդդիմությունը դեմ է քվեարկել, դեմ են նաև արտախորհրդարանական ուժերից քաղաքացիական նախաձեռնություններ։
Փոփոխությունների փաթեթում գլխավորը եկամտային հարկի նվազեցումն ու շրջանառության հարկի շեմի բարձարցումն է՝ տարեկան 58,3-ից մինչև 115 միլիոնի։ Նոր Հարկային օրենսգրքով տարեկան մինչև 115 միլիոն շրջանառություն ունեցող բիզնեսները կվճարեն շրջանառության հարկ՝ խուսափելով ավելացրած արժեքի հարկից։
Նոր Հարկային օրենսգրքի ամենաքննարկված փոփոխությունը եկամտահարկի համահարթեցումն է։ Այժմ գործում է եկամտահարկի 3 տարբերակ՝ 23, 28 և 36 տոկոս, համապատասխանաբար մինչև 150 հազար դրամ, 150 հազարից մինչև 2 միլիոն և 2 միլիոն դրամից բարձր վաստակողների համար։ Կառավարությունն առաջարկում է բոլորին հարկել հավասար՝ 23 տոկոս, իսկ 2020 թվականից արդեն՝ 20 տոկոս։
Բանախոսներն են՝
Աշոտ Խուրշուդյան՝ Մարդկային զարգացման միջազգային կենտրոնի փորձագետ, տնտեսագետ
Ատոմ Մարգարյան՝ ՀՊՏՀ «Ինովացիոն և ինստիտուցիոնալ հետազոտությունների կենտրոն»-ի ղեկավար, տնտեսագետ
***
Սիրով հրավիրում ենք Ձեզ լուսաբանելու «Հայաստանում ժողովրդավարական միջավայրի և ընտրական գործընթացների ներառականության մասնակցային գնահատում» խորագրով հանդիպում-քննարկումը, որը տեղի կունենա հունիսի 19-ին՝ ժամը 14:00-ին «Դաբլթրի-բայ-Հիլթն» հյուրանոցի «Միլանո» սրահում (Գրիգոր Լուսավորիչ փ. 4/2, Երևան):
Հանդիպման նպատակն է ներկայացնել Եվրոպական միության ֆինանսական աջակցությամբ իրականացված «ՔՀԿ-ների միջոցով Հայաստանում ընտրական գործընթացների նախապատրաստում և մոնիտորինգ. ընտրություններ բոլորի համար» ծրագրի արդյունքները և ընտրությունների գործընթացների բարելավմանն ուղղված առաջարկությունները:
Միջոցառմանը իրենց մասնակցությունն են հաստատել՝ Հայաստանում ԵՄ պատվիրակության ղեկավար, արտակարգ և լիազոր դեսպան՝ Պյոտր Անտոնի Սվիտալսկին, ՀՀ Ոստիկանության անձնագրային և վիզաների վարչության պետ՝ Մնացական Բիչախչյանը, ինչպես նաև պատասխանատուներ ՀՀ կենտրոնական ընտրական հանձնաժողովից:
.gif)
