Հուլիսի 8-ին, ժամը 12:40-ին «911» ծառայությանն ահազանգ է ստացվել, որ Երևան քաղաքի Տիգրան Մեծի պողոտայում՝ «Սիլաչի» հյուրանոցի մոտակայքում, տեղի է ունեցել ՃՏՊ. կան տուժածներ, անհրաժեշտ է փրկարարների օգնությունը: Դեպքի վայր է մեկնել ԱԻՆ ՓԾ Ճգնաժամային կառավարման ազգային կենտրոնի արտակարգ իրավիճակների արձագանքման և օպերատիվ խմբերը, հոգեբանական աջակցության բաժնի հոգեբանական խորհրդատվության գծով հրահանգիչը և մեկ մարտական հաշվարկ:
Պարզվել է, որ Տիգրան Մեծի պողոտայի թիվ 18 շենքի մոտակայքում բախվել են «Lada 010» (վարորդ` Գ.Ե., ծնված 1991 թ.) մակնիշի ավտոմեքենան, թիվ 58 երթուղին սպասարկող «Hyundai» (վարորդ` Ս.Գ., ծնված 1971 թ.) և թիվ 41 երթուղին սպասարկող «Higer» (վարորդ` Զ.Ս., ծնված 1948 թ.) մակնիշների ավտոբուսները:
ՃՏՊ-ի հետևանքով «Higer» մակնիշի երթուղին սպասարկող ավտոբուսի ուղևորը (Ա.Ղ., ծնված 2013 թ.) հոսպիտալացվել է «Մուրացան» ԲԿ, որտեղ բժիշկները նրա առողջական վիճակը գնահատել են բավարար:
.gif)
