Մոսկվան Ռուսաստանի դեմ ուղղված յուրաքանչյուր քայլին համապատասխան պատասխան կտա: Այս մասին Sputnik ռադիոկայանի եթերում ասել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով արևմտյան երկրներից ռուս դիվանագետների արտաքսման զանգվածային դեպքերը։
«Յուրաքանչյուր նման ոչ բարեկամական արարքի համար մենք համապատասխան պատասխան կտանք»,- ասել է դիվանագետը։
Զախարովան ընդգծել է, որ արևմտյան գործընկերների նման գործողությունները «դե ֆակտո հանգեցնում են երկկողմ հարաբերությունների անաբիոզի»:
Դիվանագետը նշել է, որ նման ոչ բարեկամական դրսևորման յուրաքանչյուր կոնկրետ դեպքի համար տրվում է Մոսկվայի «ամենաարդյունավետ պատասխանը», որը համապատասխանում է իրավիճակին։
«Միշտ չէ, որ հնարավոր է հայելային պատասխան տալ այն պատճառով, որ մի շարք երկրների հետ Ռուսաստանի Դաշնությունը «կա՛մ ունի դիվանագիտական ծառայությունների տարբեր կազմակերպություններ, կա՛մ տարբեր ներկայացուցչություններ երկրներում»,- հավելել է նա։
ՌԴ ԱԳՆ պաշտոնական ներկայացուցիչը հավելել է, որ արևմտյան երկրները վերջին տասնամյակների ընթացքում սկսել են օգտագործել ռուս դիվանագետների «պերսոնա նոն գրատա» հռչակումը որպես տեղեկատվական և քաղաքական հարձակում։
.gif)
