Հնդկաստանի Գոա նահանգ մեկնող Azur Air ավիաընկերության ինքնաթիռն ստիպված վայրէջք է կատարել ինքնաթիռում ռումբի մասին հաղորդագրությունից հետո: Ինքնաթիռը վայրէջք է կատարել Ուզբեկստանում:
Ինչպես հաղորդում է «Արմենպրես»-ը, վկայակոչելով «ՌԻԱ Նովոստի»-ին, այս մասին գրել է Ani գործակալությունը:
Բարձրաստիճան ոստիկանի խոսքով՝ Պերմից մեկնող չվերթը պետք է վայրէջք կատարեր Գոայի Դաբոլիմ օդանավակայանում առավոտյան ժամը 04:15-ին: Նրա հավաստիացմամբ՝ Azur Air ավիաընկերության կողմից իրականացվող չվերթը (AZV2463) հետաձգվել է նախքան Հնդկաստանի օդային տարածք մտնելը։
«Այն ուղղությունը փոխել է այն բանից հետո, երբ Դաբոլիմ օդանավակայանի տնօրենն էլեկտրոնային նամակ է ստացել, որում նշված է եղել, որ ինքնաթիռում տեղադրված ռումբ կա»,-ասել է նա։
Ոստիկանության աշխատակցի խոսքով՝ ինքնաթիռում 238 ուղևոր կա, այդ թվում՝ երկու նորածին և անձնակազմի 7 անդամ։
Նախորդ շաբաթ Մոսկվայից Գոա թռչող Azur Air ավիաընկերության ինքնաթիռը հարկադիր վայրէջք է կատարել Հնդկաստանի Գուջարաթ նահանգի Ջամնագար օդանավակայանում՝ հնարավոր պայթուցիկ սարքի մասին տեղեկությունների պատճառով։ Հնդկական հետախուզական ծառայությունները մանրակրկիտ ստուգումից հետո ինքնաթիռում ոչ մի կասկածելի սարք չեն հայտնաբերել։
.gif)
