Հայաստան ժամանող զբոսաշրջիկների թիվը 90.2 տոկոսով ավելացել է: Եթե 2021 թվականին Հայաստան ժամանել է 875 հազար 772 զբոսաշրջիկ, ապա նախորդ տարում նրանց թիվը կազմել է 1 մլն 665 հազար 658: Օրինակ, Գերմանիայից 2021 թվականին Հայաստան եկել է 12 հազար 7, նախորդ տարի՝ 23 հազար 674: Թուրքիայից Հայաստան եկած զբոսաշրջիկների թիվը եւս ավելացել է՝ 3740-ից դառնալով 9479:
Նախորդ տարի մեր հանրապետություն ժամանել է 116 հազար 430 իրանցի զբոսաշրջիկ: Այս ցուցանիշը մեկ տարում ավելացել է 27.5 տոկոսով:
ArmLur.am-ը պաշտոնական փաստաթղթից տեղեկացավ նաեւ, որ Ռուսաստանի Դաշնությունից Հայաստան ժամանած զբոսաշրջիկների թիվն 2.2 անգամ ավելացել է: Օրինակ, եթե 2021 թվականին ՀՀ ՌԴ-ից եկել է 351 հազար 801 քաղաքացի, ապա նախորդ տարում նրանց թիվը կազմել է 790 հազար 397: Ֆրանսիայից ՀՀ այցելած զբոսաշրջիկների թիվը եւս ավելացել է՝ 62.9 տոկոսով: Ի դեպ, Հայաստան նախորդ տարվա ընթացքում ժամանել է Ադրբեջանի 5 զբոսաշրջիկ: Մեզ հայտնի դարձավ, որ ադրբեջանցիները երեք օր են մնացել Հայաստանում:
Ս.Հ.
.gif)
