Ֆրանսիայի նախագահ Էմանուել Մակրոնը հայտարարել է, որ Վլադիմիր Զելենսկիին G7-ի գագաթնաժողովին մասնակցելու համար ինքնաթիռ տրամադրելը Ֆրանսիայի պատվի հարց է։
Ավելի վաղ հաղորդվել էր, որ Փարիզը պատասխանել է Զելենսկիին կառավարական ինքնաթիռ տրամադրելու Կիևի խնդրանքին, քանի որ Մակրոնն իր ուկրաինացի գործընկերոջն ավելի երկար է ճանաչում, քան մյուս առաջնորդները։ Այսպիսով, Զելենսկին ֆրանսիական կառավարության ինքնաթիռով ժամանել է Ճապոնիայի Հիրոսիմա քաղաք՝ մասնակցելու G7-ի գագաթնաժողովին։
«Ֆրանսիայի համար դա պատվի հարց էր: Մենք ի սկզբանե աջակցում ենք Ուկրաինային: Ֆրանսիան խաղաղություն է կառուցում և լուծումներ է փնտրում: Մենք ամեն ինչ արել ենք, որպեսզի խուսափենք այս պատերազմից հենց սկզբից: Մենք աջակցում ենք Ուկրաինային բոլոր միջոցներով, բայց մենք չենք մտնում այս հակամարտության մեջ, սա դիվանագիտություն է»,- ասել է Մակրոնը։
.gif)
