Իսրայելը հարվածել է փախստականների ճամբարին. կան մեծ թվով կորուստներ

51 մարդ է զոհվել Գազայի հատվածի կենտրոնում գտնվող փախստականների ճամբարին Իսրայելի հարվածի հետևանքով։

Իսրայելի ռազմաօդային ուժերը նոյեմբերի 4-ի երեկոյան հարձակվել են փախստականների ճամբարի բնակելի շենքերից մեկի վրա։

Հարձակման հետևանքով զոհերի մեծ մասը կանայք և երեխաներ են։ Տեղեկություններ են ստացվել նաև տասնյակ վիրավորների մասին, որոնցից շատերը դեռևս փլատակների տակ են։