Գերմանական Օսնաբրյուկ քաղաքի 20 հազար բնակիչներ ստիպված կլինեն լքել իրենց տները Երկրորդ համաշխարհային պատերազմի չպայթած ռումբի վնասազերծման պատճառով:
Այս մասին հաղորդվել է քաղաքի պաշտոնական կայքում հունիսի 30-ին:
«Լոկֆիրտել թաղամասում այսօր՝ հունիսի 30-ին, հայտնաբերվել է չպայթած ռումբ, որը պետք է վնասազերծվի վաղը՝ հուլիսի 1-ին: Բոլոր բնակիչները պետք է լքեն տարածքը ոչ ուշ, քան ժամը 15:00-ը: Սա կազդի մոտ 13 հազար տնային տնտեսություններում բնակվող շուրջ 20 հազար մարդու վրա», – ասված է հաղորդագրության մեջ:
Նշվում է, որ արկը հայտնաբերվել է շինարարական վերահսկողության ընթացքում: Տարհանման գոտում գտնվում են երկու հիվանդանոց, այդ թվում՝ մանկական, գլխավոր երկաթուղային կայարանը և դպրոցները:
Անի Վարդանյան
.gif)
