Թուրքիայի վարչապետ Թայիփ Էրդողանը հայց է ներկայացրել Սահմանադրական դատարան, որով սոցիալական ցանցերին մեղադրում է իր ու իր ընտանիքի իրավունքների ոտնահարման մեջ, տեղեկացնում է Ռոյթերս գործակալությունը:
Հիշեցնենք, որ ոչ այնքան վաղուց, Թվիթերն ու Յութուբն արգելափակվել էին Թուրքիայում: Որպես պատճառաբանություն, կապի և հեռահաղորդակցության վարչությունը նշում էր մի շարք մարզային դատարանների որոշումներ, որոնք բավարարել էին Թվիթերը արգելափակելու հայցերը:
Էրդողանը մասնավորապես մեղադրում է Թվիթերին, որ վերջինիս ղեկավարությունը չի կատարել դատարանների կայացրած որոշումը, և չի հեռացրել իրավունքները խախտող բովանդկությամբ տեղեկատվությունները:
Էրդողանը պահանջում է մոտ 23 հազար դոլարի չափով փոխհատուցում:
Ի դեպ` Youtube-ը դեռ շարունակում է արգելափակված մնալ Թուրքիայում: Պատճառը մարտի 27-ին նշված ցանցում Թուրքիայի բարձրաստիճան մի շարք պաշտոնյաների ձայնագրության հրապարակումն էր, որտեղ վերջիններս քննարկում էին Սիրիայի դեմ ագրեսիայի հնարավոր միջոցներն ու ուղիները:
Նյութը պատրաստեց Հայկանուշ Ալոյանը:
.gif)
