ԱԺ արտահերթ նիստը մեկնարկել է: Գրանցվել է 88 պատգամավոր: Քվորումն ապահովված է: Հիմնական զեկուցող ՀՀԿ պատգամավոր Սուքիաս Ավետիսյանը հայտարարեց, որ իրենք առաջարկում են 13 հոգուց բաղկացած հաշվիչ հանձնաժողովում 7 տեղ տալ ՀՀԿ-ին, ԲՀԿ-ին 2 տեղ, մնացած կուսակցություններին՝ մեկական տեղ:
ԲՀԿ խմբակցության քարտուղար Նաիրա Զոհրաբյանն ասաց, որ երբ առաջարկ է ներկայացվում, հնչում է նաև հիմնավորում.«Ինչո՞ւ օրինակ չեք ասում, որ տրվում է ՀՀԿ-ին օրինակ 17 տեղ կամ ասեք 22, դա բարեհունչ թիվ է»:
«Հանձնաժողովում ներկայացված տեղերը համապատասխանում են ներկայացված ուժերի ներգրավվածությանը ԱԺ-ում»,- պատասխանեց Սուքիասյանը:
ՀՅԴ խմբակցության քարտուղար Աղվան Վարդանյանն էլ հակադարձեց, թե ինչպե՞ս է լինում, որ ՀՀԿ-ի տեղը հանձնաժողովի կազմում անընդհատ աճում է, իրենցը՝ անընդհատ նվազում է:
«Մենք առաջնորդվում ենք 25 հոդվածով և ԱԺ աշխատանքները բնականոն ապահովելու գործընթացով»,- պատասխանեց Սուքիասյանը:
ՀՅԴ խմբակցության ղեկավար Արմեն Ռուստամյանն էլ ասաց, որ ցանկացած հանձնաժողով ձևավորվում է նստաշրջանի սկզբում, իսկ հիմա` նստաշրջանի կեսից նոր հանձնաժողով են ձևավորվում:
«Ավելի ազնիվ չի լինի, որ գրեք` ՀՀԿ-ն պետք է ունենա մեծամասնություն: Սա մեր առաջարկն է ՀՀԿ-ին»,- ասաց Ռուստամյանը:
Հիմնական զեկուցող Սուքիաս Ավետիսյանն էլ ասաց, որ նոր հանձնաժողով չի ստեղծվում:
ՀԱԿ խմբակցության ղեկավար Լևոն Զուրաբյանն էլ ասաց, որ նախորդ անգամ, երբ ՀՀԿ-ն դաղալություն արեց, գոնե դա արվեց նստաշրջանի սկզբում, իսկ հիմա դա արվում է նստաշրջանի կեսից, որն օրենքի խախտում է:
.gif)
