Ո՞վ է ԿԳՄՍ նախարարի նոր մամուլի խոսնակը․ Հանրայինից` նախարարություն

ArmLur.am-ը տեղեկացավ, որ Կրթության, գիտության, մշակույթի և սպորտի նախարարի մամուլի խոսնակ է նշանակվել Հովհաննես Յուքինյանը։

Բայց ո՞վ է նախարարության նոր խոսնակը, և ի՞նչ ճանապարհ է անցել մինչև պետական համակարգում այս պաշտոնին հայտնվելը։

Յուքինյանի մասնագիտական կենսագրությունը, դատելով բաց աղբյուրներից, հիմնականում ձևավորվել է երեք ուղղությամբ՝ միջազգային հարաբերություններ, մեդիա և երիտասարդական/եվրոպական ծրագրեր։

Նա Երևանի պետական համալսարանի միջազգային հարաբերությունների ֆակուլտետի ուսանող է եղել։ 2022 թվականին ԵՊՀ-ն նրա մասին հրապարակում էր՝ նշելով, որ «Էրազմուս+» ծրագրի շրջանակում նա կրթություն էր ստանում Պորտուգալիայի Էվորայի համալսարանում։

Հանրայինից՝ պետական համակարգ

Յուքինյանի կենսագրության ուշագրավ հատվածներից մեկը Հանրային հեռարձակողի Մեդիա ակադեմիան է։

Հովհաննես Յուքինյանը աշխատել է լրագրող Հանրային հեռուստատեսության Մեդիա ակադեմիայում։

Հատկանշական է նաև նրա տարիքը․ Յուքինյանը պետական բարձր պաշտոնական համակարգ է մտնում բավական երիտասարդ տարիքում։ Նրա նախորդ կենսագրությունը ցույց է տալիս, որ նա այդ ճանապարհը սկսել է դեռ ուսանողական տարիներից՝ դպրոցական օլիմպիադաներից ու ԵՊՀ-ից, անցնելով միջազգային կրթական ծրագրերով և Հանրայինի մեդիա դպրոցով։ Օլիմպիադաների պաշտոնական հրապարակումներում նրա անունը դեռևս դպրոցական տարիներին՝ Արմավիրի մարզի Նորավանի միջնակարգ դպրոցի աշակերտների շարքում է հանդիպում։

Այսպիսով, ԿԳՄՍ նախարարության նոր խոսնակի կենսագրությունն առայժմ ավելի շատ երիտասարդ մասնագետի՝ մեդիայից պետական համակարգ անցնելու պատմություն է:

Սոնա Գրիգորյան