Կառավարության այսօրվա նիստում ներկայացվեց կառավարության եզրակացությունը ԱԺ ԲՀԿ խմբակցության պատգամավոր Տիգրան Ուրիխանյանի ներկայացրած «Վարչական իրավախախտումների վերաբերյալ Հայաստանի Հանրապետության օրենսգրքում լրացում կատարելու մասին» Հայաստանի Հանրապետության օրենքի նախագծի վերաբերյալ:
Գագիկ Խաչատրյանը նշեց, որ կառավարությունը ներկայացված օրենսդրական նախագծի վերաբերյալ սկզբունքային առարկություններ չունի:
«Միաժամանակ հայտնում ենք, որ Հայաստանի Հանրապետության կառավարությունը համամիտ լինելով ներկայացված օրենքի նախագծով առաջարկվող խնդրի օրենքով կարգավորման անհրաժեշտությանը, արդեն իսկ օրենսդրական նախաձեռնության կարգով Հայաստանի Հանրապետության Ազգային ժողովի քննարկմանն է ներկայացրել «Վարչական իրավախախտումների վերաբերյալ Հայաստանի Հանրապետության օրենսգրքում փոփոխություններ և լրացումներ կատարելու մասին» Հայաստանի Հանրապետության օրենքի նախագիծը», – ասված է եզրակացության մեջ:
Նշենք, որ ըստ այդ նախագծի, օրենքը ոչ միայն խմբագրական փոփոխությունների է ենթարկվում, այլև առավել մեղմվում է տուգանքի չվճարված մասի ավելացման չափը:
Նշենք, որ նշված օրենքի նախագիծը Հայաստանի Հանրապետության կառավարության նախաձեռնությամբ 2014 թվականի հունիսի 18-ին գումարված Հայաստանի Հանրապետության Ազգային ժողովի արտահերթ նստաշրջանի ընթացքում ընդունվել է երկրորդ ընթերցմամբ և ամբողջությամբ:
.gif)
