ՕԵԿ-ն այսօր կդիմի դատարան՝ գազի և էլեկտրաէներգիայի սակագները վերանայելու համար

«Օրինաց երկիր» կուսակցությունն այսօր ժ. 14:00 դիմում կներկայացնի Վարչական դատարան /հասցեն Գարեգին Նժդեհի 23/ գազի և էլեկտրաէներգիայի գործող սակագները վերանայելու համար: Այս մասին հայտնում են ՕԵԿ մամուլի ծառայությունից։

Հաղորդագրությունում ասվում է, որ դիմումը դատարան կներկայացվի քաղաքացիական ակտիվիստների, հասարակական կազմակերպությունների ներկայացուցիչների և անհատների մասնակցությամբ: