Առաջին խաղակեսն ավելի լավ անցկացրինք. Լուի վան Գալ

Անգլիական «Մանչեսթեր Յունայթեդ»-ի գլխավոր մարզիչ Լուի վան Գալը մեկնաբանել է Պրեմիեր լիգայի 18-րդ տուրի՝ «Նյուքասլի» դեմ տոնած հաղթանակը (3:1):

«Կարծում եմ, որ մենք 90 րոպե շարունակ տիրում էինք խաղային նախաձեռնությանը եւ ֆանտաստիկ գոլերի հեղինակ դարձանք: Իհարկե, առաջին խաղակեսն ավելի լավ անցկացրինք, իսկ երկրորդում արդեն մտածում էինք «Տոտենհեմի» դեմ խաղի մասին: Այդուհանդերձ, գոհ եմ թիմի այսօրվա ելույթից», -նշել է նա: