«Որտեղ մի լավ գործ կա, հաստատ ՕԵԿ-ի մատը դրանում խառն է»:

Մեր երկրում լավ գործերի դեպքից դեպք կարելի է հանդիպել: Իսկ ո՞ւմ հայտնի չէ, որ նման գործերը ոչ թե մեկ, այլ բազմաթիվ հեղինակներ են ունենում: Նախ իշխանությունն է հայտարարում, թե միմիայն իր ջանքերի շնորհիվ է գլուխ բերվել տվյալ նախաձեռնությունը: Հետո օլիգարխներն ու պայմանական բարեգործներն են ջրի երես դուրս գալիս, երբեմն էլ խոսվում է տվյալ գործում ժողովրդի մասնակցության մասին: Հերթն այդպես էլ չի հասել ՕԵԿ-ին ու չի հասնի, եւ որքան էլ մեծ լինի «մատը խառնելու» ու հընթացս լավամարդ ներկայանալու ցանկությունը, միեւնույն է, անհնարինը դժվար է ապացուցել: