ԼՈՒՐԵՐ

ՆՇԱՆՎԵԼ Է
Օրեր առաջ Գերմանիայի Շվերին քաղաքի հունական ռեստորաններից մեկում կայացել է երգիչ Հայկ Կասպարովի նշանադրությունը: Հիմա երեւի շատերի մոտ հարց առաջացավ՝ իսկ ինչո՞ւ Գերմանիայում. բանն այն է, որ հարսնացուն՝ Կարմեն Լուիզան, հենց այնտեղ է ապրում: Հայկի փոխանցմամբ՝ նրանք դեռ մի քիչ էլ կմնան Գերմանիայում, բայց Նոր տարին, հավանաբար, կդիմավորեն Երեւանում:

ՆՈՐ ՏԵՍԱՀՈԼՈՎԱԿ
Երգիչ Նարեկ Բավեյանն օրեր առաջ տեսահոլովակ է նկարահանել իր նոր՝ «Ես քեզ սիրում եմ» երգի հիման վրա: Երգի հեղինակը Մարտին Միրզոյանն է, խոսքերը գրել է Գրիգոր Կոկչյանը: Նարեկի փոխանցմամբ՝ այս երգն ավելի մեղեդային է ու նախորդ տեսահոլովակներից էլ տարբերվում է սյուժետային գծով եւ ծավալուն նկարահանումներով: Իսկ թե ում է սիրում ու խոստովանում իր սերը Նարեկը, կիմանանք միայն տեսահոլովակը դիտելուց հետո:

ԲԱԺԱՆՎԵԼ ԵՆ
79-ամյա ֆրանսիացի լեգենդար դերասան Ժան Պոլ Բելմոնդոն բաժանվել է իր երիտասարդ ընկերուհուց՝ Playboy-ի նախկին մոդել Միշել Գոդեից: Բելմոնդոյի փաստաբանը պատճառաբանել է, որ դերասանն այլեւս չի կարողանում հանդուրժել իրենից 40 տարի երիտասարդ կնոջ կամակոր պահվածքը: Դերասանի համոզմամբ՝ Գոդեն այսքան ժամանակ ապրել է նրա հետ՝ ելնելով միայն շահադիտական նկատառումներից:

ՄԱՅՐ Է ԴԱՐՁԵԼ
37-ամյա հոլիվուդյան դերասանուհի Դրյու Բերրիմորը մայր է դարձել: 2 անգամ ամուսնալուծվելուց հետո դերասանուհին գտել է իր կանացի երջանկությունը Ուիլ Կոպելմանի հետ: Դերասանուհին խոստովանել է, որ վաղուց էր երազում մայր դառնալու մասին: Դրյուն եւ Ուիլը աղջիկ են ունեցել, որին անվանել են Օլիվ Բերրիմոր Կոպելման: Ի դեպ, զույգն ամուսնացել է այս տարվա հունիսին՝ բալիկի ծնունդից մի քանի ամիս առաջ: Հարսանեկան արարողությունն էլ շատ մեծ չի եղել. ներկա են գտնվել միայն շատ հարազատ մարդիկ ու մոտ ընկերները: