Կառավարության առաջիկա՝ նոյեմբերի 12-ի նիստի օրակարգում ընդգրկված է ԵՏՄ-ին Հայաստանի անդամակցությունից հետո զենք-զինամթերքի տարանցման կարգի նախագծի զեկույցը: Այն կներկայացնի ՀՀ ոստիկանապետ Վլադիմիր Գասպարյանը:
Նշենք, որ համապատասխան որոշմամբ հաստատված կարգով` նախատեսված լիազոր մարմին է ճանաչվելու ոստիկանությունը:
Իսկ ինչ է ներկայացնում իրենից «Երրորդ երկրներից քաղաքացիական և ծառայողական զենքի, դրա հիմնական (բաղկացուցիչ) մասերի և փամփուշտների ներմուծման, արտահանման և (կամ) տարանցման լիցենզիաների և թույլտվությունների տրամադրման կարգը, ինչպես նաև` երրորդ երկրներից Հայաստանի Հանրապետության մաքսային տարածք ներմուծման, Հայաստանի Հանրապետության մաքսային տարածքից արտահանման և Հայաստանի Հանրապետության մաքսային տարածքով տարանցման դեպքում սահմանափակումների ենթակա քաղաքացիական և ծառայողական զենքի, դրա հիմնական (բաղկացուցիչ) մասերի ու փամփուշտների ցանկը հաստատելու և լիազոր մարմին ճանաչելու մասին նախագիծը»:
Ինչպես ArmLur.am-ին հայտնի դարձավ օրակարգից, նախագիծը ներառում է երրորդ երկրից զենք-զինամթերքի տարանցման կարգը, դրանց թույլատրելի և անթույլատրելի տեսակները:
Մասնավորապես, երրորդ երկրներից ՀՀ մաքսային տարածք ներմուծման, ՀՀ մաքսային տարածքից արտահանման և այդտեղով տարանցման դեպքում սահմանափակումների ենթակա քաղաքացիական և ծառայողական զենքի, դրա հիմնական (բաղկացուցիչ) մասերի և փամփուշտների ցանկը հետևյալն է.
| Ապրանքի անվանումը | ԵԱՏՄ ԱՏԳ ԱԱ ծածկագիրը | |
| 1 | Գազային ատրճանակներ և ռևոլվերներ, այդ թվում` ռետինե գնդակներով փամփուշտներով կրակելու հնարավորությամբ | 9302 00 000 0-ից |
| 2 | Ակոսափող սպորտային ատրճանակներ և ռևոլվերներ | 9302 00 000 0-ից |
| 3 | Ակոսափող ծառայողական ատրճանակներ և ռևոլվերներ | 9302 00 000 0-ից |
| 4 | Սպորտային ողորկափող հրազեն | 9303 20-ից |
| 5 | Սպորտային ակոսափող հրազեն | 9303 30 000 0-ից |
| 6 | Որսորդական մի փողանի ողորկ-երկարափող հրազեն | 9303 20 100 0-ից |
| 7 | Որսորդական երկփողանի կամ համակցված հրազեն | 9303 20 950 0-ից9303 30 000 0-ից |
| 8 | Որսորդական երկփողանի ողորկափող հրազեն, այդ թվում` տարբեր տրամաչափի փողերով | 9303 20 950 0-ից |
| 9 | Որսորդական ակոսափող հրազեն | 9303 30 000 0-ից9303 20 950 0-ից |
| 10 | Որսորդական օդաճնշիչ զենք` ոչ ավելի, քան 25 ջոուլ փողային էներգիայով | 9304 00 000 0-ից |
| 11 | Սպորտային օդաճնշիչ երկարափող զենք` 3 ջոուլից ավելի փողային էներգիայով | 9304 00 000 0-ից |
| 12 | Սպորտային օդաճնշիչ ատրճանակներ և ռևոլվերներ` 3 ջոուլից ավելի փողային էներգիայով | 9304 00 000 0-ից |
| 13 | Սպորտային ատրճանակների և ռևոլվերների հիմնական (բաղկացուցիչ) մասեր | 9305 10 000 0-ից |
| 14 | Ծառայողական ատրճանակների և ռևոլվերների հիմնական (բաղկացուցիչ) մասեր | 9305 10 000 0-ից |
| 15 | Որսորդական և սպորտային ողորկափող հրազենի փողեր | 9305 20 000 0-ից |
| 16 | Որսորդական և սպորտային հրազենի ակոսավոր փողեր | 9305 20 000 0-ից |
| 17 | Որսորդական և սպորտային ողորկափող հրազենի այլ հիմնական (բաղկացուցիչ) մասեր (փակաղակ, թմբուկ, իրան, փողատուփ, փողի պահպանակ, հարվածաձգանային մեխանիզմ և դրա մասեր ու պարագաներ) | 9305 20 000 0-ից |
| 18 | Որսորդական և սպորտային ակոսափող հրազենի հիմնական (բաղկացուցիչ) մասեր (փող, փակաղակ, թմբուկ, իրան, փողատուփ, փողի պահպանակ, հարվածաձգանային մեխանիզմ և դրա մասեր ու պարագաներ) | 9305 20 000 0-ից |
| 19 | Սպորտային և որսորդական ողորկափող հրազենի փամփուշտներ, այդ թվում` փորձարկիչ | 9306 21 000 0-ից |
| 20 | Սպորտային, ծառայողական ատրճանակների և ռևոլվերների փամփուշտներ | 9306 30 100 0-ից |
| 21 | Սպորտային և որսորդական ակոսափող հրազենի (բացի ատրճանակներից և ռևոլվերներից), ինքնապաշտպանական գազային զենքի փամփուշտներ, այդ թվում` փորձարկիչ | 9306 30 900 0-ից |
| 22 | Որսորդական և սպորտային ողորկափող հրազենի պարկուճներ, այդ թվում` հրապատիճավորված | 9306 29 000 0-ից |
| 23 | Որսորդական և սպորտային ակոսափող հրազենի (բացի ատրճանակներից և ռևոլվերներից) պարկուճներ, այդ թվում` հրապատիճավորված | 9306 30 900 0-ից |
| 24 | Ինքնապաշտպանական գազային զենքի պարկուճներ, այդ թվում` հրապատիճավորված | 9306 30 900 0-ից |
| 25 | Սպորտային և ծառայողական ատրճանակների և ռևոլվերների պարկուճներ, այդ թվում` հրապատիճավորված | 9306 30 100 0-ից |
| 26 | Հրապատիճներ ծառայողական և քաղաքացիական զենքի փամփուշտների համար | 9306 30 100 0-ից |
| 27 | Որսորդական սառը շեղբավոր զենք (որսորդական դանակներ և դաշույններ) | 9307 00 000 0 -ից8211-ից |
| 28 | Սպորտային սառը շեղբավոր զենք | 9307 00 000 0-ից |
| 29 | Այլ սառը շեղբավոր զենք (սառը շեղբավոր զենք՝ նախատեսված կրելու կազակական համազգեստի հետ, ինչպես նաև Եվրասիական տնտեսական միության անդամ-պետությունների ազգային տարազների հետ` նախատեսված հավաքածուներ կազմելու համար) | 9307 00 000 0-ից |
| 30 | Սպորտային աղեղներ և արբալետներ | 9506 99 900 0-ից |
| 31 | Հայաստանի Հանրապետության ստանդարտացման, չափագիտության և սերտիֆիկացման հանրապետական գործադիր մարմնի պահանջներին և առողջապահության հանրապետական մարմնի սահմանած նորմերին համապատասխանող էլեկտրահարող սարքեր և կայծային պարպիչներ | 9304 00 000 0-ից |
| 32 | Կառուցվածքով միայն լուսային, ծխային կամ ձայնային ազդանշաններ արձակելու համար նախատեսված 6 մմ-ից ավելի տրամաչափի ազդանշանային զենք | 9303-ից |
Երրորդ երկրից զինատեսակների տարանցելիության թույլտվության կարգը
Զենքի ներմուծումը և (կամ) արտահանումն իրականացվում են եթե ֆիզիկական անձանց կողմից անձնական օգտագործման համար երրորդ երկրից ձեռք բերած զենքի Հայաստանի Հանրապետություն ներմուծման դեպքում: Ինչպես նաև ֆիզիկական անձանց կամ ֆիզիկական կուլտուրայի և սպորտի բնագավառի կազմակերպությունների կողմից սպորտային միջոցառումներին մասնակցելու նպատակով զենքի ժամանակավոր ներմուծման կամ արտահանման, որսի մասնակցելու նպատակով զենքի ժամանակավոր ներմուծման և (կամ) արտահանման, Հայաստանի Հանրապետություն մշտական բնակության նպատակով ժամանող ֆիզիկական անձանց կողմից զենքի ներմուծման, ինչպես նաև` Հայաստանի Հանրապետությունից մշտական բնակության մեկնող ֆիզիկական անձանց կողմից զենքի արտահանման և մի քանի այլ դեպքերում:
Իսկ լիցենզիայի տրամադրումը մերժվում է, եթե ներկայացված փաստաթղթերը թերի են կամ դրանցում առկա են ակնհայտ կեղծ կամ խեղաթյուրված տեղեկություններ, զենքի արտադրության կամ առևտրի լիցենզիայի գործողությունը դադարեցված է կամ կասեցված, առկա են Հայաստանի Հանրապետությանը քաղաքական, ռազմական կամ տնտեսական վնասի սպառնալիք կամ տվյալ տեսակի զենքի շրջանառությունը Հայաստանի Հանրապետությունում արգելված է:
.gif)
