Հայաստանի Հանրապետության տարածքում մայիսին տեղումները և ջերմաստիճանը կլինեն նորմայի սահմաններում՝ առանց շեղումների: Այս մասին «Արմենպրես»-ի հետ զրույցում ասաց ՀՀ ԱԻՆ «Հիդրոմետ» ծառայության օդերևութաբանության կենտրոնի պետի տեղակալ Գագիկ Սուրենյանը:
«Մենք սպասում ենք այնպիսի մայիս, որը համահունչ է մեր երկրի կլիմայական պայմաններին՝ առանց շեղումների»,- նշեց Սուրենյանը: Նա հավելեց, որ մայիս ամիսը տեղումնառատ է լինելու: «Հանրապետության տարածքում մայիսն ամենախոնավ ամիսն է տարվա մեջ: Եվ եթե այդ տեղումները կանխատեսում ենք նորմայի սահմաններում, նշանակում է, որ բավականաչափ տեղումներ են լինելու, որովհետև մայիսին տեղումների նորմաները բավականին մեծ են»,- մանրամասնեց Սուրենյանը:
.gif)
