Վերջերս Արթուր Սաքունցը զեկույցներ էր ներկայացրել, որոնք վերաբերում են ապրիլյան պատերազմի ուսումնասիրություններին և նախորդ զորակոչի ընթացքում եղած դեպքերին:
Այս մասին լրագրողների հետ զրույցում նշեց ՀՀ ՊՆ մամուլի խոսնակ Արծրուն Հովհաննիսյանը:
Նախնական եզրակացությամբ Հովհաննիսյանը նշեց, որ ոչ պրոֆեսիոնալ կազմված զեկույց է և ավելի շատ զգացմունքների վրա է հիմնված, որոնց մասին պատմել են զինվորների բարեկամները:
Սաքունցի մյուս զեկույցը վերաբերում էր անցած զորակոչի ժամանակ հայտնաբերված խնդիրներին:
Հովհաննիսյանը նշեց, թե Սաքունցը հայտարարում է, որ ՊՆ-ն չի արձագանքում զեկույցին, սակայն նա հավաստիացրեց, որ արձագանք անշուշտ կլինի:
Հավելենք, որ զեկույցն ուղարկվել է և′ Դատախազություն, և′ ՀՀ ԱԺ պաշտպանության հանձնաժողով, սակայն արձագանքներ չեն եղել:
.gif)
