Օրերս Բեռլինում կայացել է ռուս-գերմանական ֆորումը, որը կազմակերպվել է գերմանական Կոնրադ Ադենաուեր հիմնադրամի (ԿԱՀ) նախաձեռնությամբ: Ծրագրին հրավիրված է եղել նաև ՀՀԿ երիտասարդական կազմակերպությունը՝ 2 ներկայացուցիչներով:
Ֆորումը կրել է «Եվրոպան 21-րդ դարում. Ժողովրդավարություն և պոպուլիզմ» խորագիրը:
Ծրագրին մասնակցել են շուրջ 80 ներկայացուցիչներ տարբեր երկրներից, որոնց թվում եղել են լրագրողներ, քաղաքագետներ և քաղաքական վերլուծաբաններ, դասախոսներ և միջազգային կազմակերպությունների ներկայացուցիչներ: Ներկա է եղել նաև ՌԴ-ում Գերմանիայի դեսպանը:
Ավանդաբար ամեն տարի անցկացվող ծրագրի նպատակը միջազգային կապերի ամրապնդումը, կարծիքների և փորձի փոխանակումը, նոր գիտելիքների ձեռքբերումն ու ակտուալ թեմաների շուրջ աշխատանքների կատարումն է:
Ծրագրի ընթացքում որոշ մասնակիցներ հանդես են եկել պոպուլիզմի, պրոպագանդայի, ռադիկալիզմի, ունիվերսալիզմի և ժողովրդավարության թեմաներով զեկույցներով: Քննարկումներ են եղել Եվրոպայի տարածաշրջանային ինքնորոշման, մշակութային իդենտիֆիկացիայի, ժողովրդավարության վրա մեդիայի և համացանցի ազդեցության, միգրացիայի և կրոնական անհանդուրժողականությունների վերաբերյալ:
Ֆորումն ավարտվել է ամփոփիչ քննարկմամբ և աշխատանքների արդյուքների վերլուծությամբ:
ՀՀԿ երիտասարդական կազմակերպություն
.gif)
