Թուրքիայի նախագահ Ռեջեփ Թայիփ Էրդողանը Քրդստանի աշխատավորական կուսակցությանը մեղադրել է Քայսերի նահանգում ահաբեկչություն իրականացնելու մեջ, փոխանցում է Reuters-ը:
«Այդ ահաբեկչության համար պատասխանատու է քրդական անջատողական խմբավորումը: Այն օգտագործում է բոլոր հնարավորությունները: Թուրքիան գտնվում է մի քանի ահաբեկչական խմբավորումների հարվածի տակ»,-ասել է Էրդողանը:
Ավելի վաղ երկրի վարչապետ Բինալի Յըլդըրըմը հայտարարել էր, որ ահաբեկչությունն իրականացրել է մահապարտը:
Հիշեցնենք, որ այսօր Քայսերի նահանգում տեղի համալսարանի մոտակայքում ավտոբուս պայթյունի հետևանքով 13 մարդ է զոհվել:
.gif)
