Մարտի 15-ի միջոցառումներ

Մարտի 15-ին ժամը 12.30-ին «Նոյյան Տապան» լրատվական գործակալության մամուլի սրահում (Իսահակյան 28, 3-րդ հարկ) տեղի կունենա ասուլիս՝ գիտության ոլորտի ներկայացուցիչների կողմից կազմված, համացանցում տեղադրված և ՀՀ Ազգային Անվտանգության Ծառայության տնօրեն Արթուր Վանեցյանին փոխանցված «Բանտարկե՞լ Լևոն Տեր-Պետրոսյանին» հանցագործության մասին հայտարարության վերաբերյալ։

Հայտարարության նպատակը, պահանջները և ակնկալիքները նոր իշխանությունից։

Բանախոսներն են՝

Էդուարդ Մանուկյան – տեխնիկական գիտությունների դոկտոր, պրոֆեսոր
Վահան Համազասպյան
– տեխնիկական գիտությունների դոկտոր, «Հայաստանի հելիոֆիկացիայի ծրագրի» հեղինակ

***

Մարտի 15-ին, ժամը 11:00-ին Բլից Ինֆո մամուլի ակումբի հյուրն է ՀՅԴ Հայաստանի Գերագույն Մարմնի անդամ, ՀՅԴ Գերագույն Մարմնին կից ֆինանսական ևԷկոնոմիկայի մասնագիտական հանձնախմբի պատասխանատու, տնտեսագետ Արմեն Գրիգորյանը։

Թեմա՝ «Պետական տուրքի մասին ՀՀ օրենքում փոփոխություններ և լրացումներ կատարելու մասին» նախագծով նախատեսվում է զգալիորեն ավելացնելգրավատների և տարադրամի փոխանակման կետերի պետական տուրքը, ինչպիսի՞ն կլինեն դրա հետևանքները, Հարկային օրենսգրքի խնդրահարույց դրույթները, ակցիզային հարկերի բարձրացումն ու տնտեսվարողների մտահոգությունները։

Մարտի 15-ին, ժամը 12:00-ին Բլից Ինֆո մամուլի ակումբի հյուրն է Երևանի ավագանու «Լույս» խմբակցության անդամ Անի Խաչատրյանը։

Թեմա՝ Օպերաի և բալետի ազգային ակադեմիական թատրոնի շրջակայքում եղած որոշ սրճարանների ապամոնտաժումը տնտեսվարողների վրդովմունքն է հարուցել, ի՞նչ օրենքներ են խախտվել և ինչո՞ւ է խտրական վերաբերմունք դրսևորվում տնտեսվարողների նկատմամբ։

***