Այսօր մարտի 1-ի զոհերի հիշատակի օրվա առթիվ հրավիրված հանրահավաքում ելույթ ունեցավ նաև ՀՀ առաջին նախագահ Լևոն Տեր-Պետրոսյանը: Նա հանդես եկավ գործանական առաջարկով և կոչ արեց մարտի 1-ը սահմանել 2008թ. մարտի 1-ի զոհերի հիշատակի և Հայաստանում բռնաճնշումների դեմ պայքարի օր: Նա նշեց, թե նման առաջարկով պետք է հանդես գան նաև ԱԺ պատգամավորները:
ՀՀ առաջին նախագահը նշեց, որ այս տարիներին մեղավորներին քրեական պատասխանատվություն ենթարկելու և զոհվածների ծնողներին նյութական օգնություն ցուցաբերելու գործը այդպես էլ մազաչաթ անգափ տեղից չի շարժվել:
«Հայաաստանի ավազակապետական իշխանությունները ցինիզմով չեն էլ թաքցնում, որ թքած ունեն սեփական ժողովրդի պահանջների և թե՛ ընդդիմադիր ուժերի օրենսդրական պահանջների, թե՛ միջազգային կառույցների ընդունած բանաձևերի վրա»,- նշեց նա:
Նրա խոսքով, նման պահվածքով ՀՀ իշխանությունները բացեիբաց հայտարարում են, «թե լավ ենք արել, որ գնդակահարել ենք, պետք լինի էլի կանենք»: Լ Տեր-Պետրոսյանը նշեց, որ վարչախմբից այլ բան պետք էլ չէր սպասել:
«Հայաստանի ներկայիս իշխանությունների օրոք ո՛չ մարտի 1-ի, ո՛չ էլ հոկտեմբերի 27-ի դեպքերը չեն բացահայտվելու: Բայց չի նշանակում, որ պետք է հուսախաբվենք և թևաթափ լինենք, այլ հակառակը պետք է համախմբվենք: Մոռանալ նշանակում է ներել, իսկ դա ծնում է նոր ոճրագործություն», – հավելեց նա:
.gif)
