Այն, որ սոցցանցերի միջոցով ծանոթություններ հաստատելը, որպես կանոն, մեծամասամբ դժբախտ դեպքերով կամ տարբեր անախորժություններով են ավարտվում, թերևս գաղտնիք չէ որևէ մեկի համար:
Նմանատիպ դեպքերի ArmLur.am-ը մեկ անգամ չէ, որ անդրադարձել է: Հայաստանում բազմաթիվ ընտանիքներ են բախվել այս հողի վրա տեղի ունեցած խնդիրներին: Եվ գրեթե միշտ տուժողի կարգավիճակում հայտնվում են կանայք:
Իսկ ահա երեկ Սյունիքի մարզում տեղի ունեցած դեպքը, որը, բարեբախտաբար, ողբերգությամբ չի ավարտվել, փոխում է կարծիքն այն մասին, թե դյուրահավատ կանայք դառնում են տղամարդկանց զոհը:
Այսպես, ArmLur.am-ին հայտնի դարձավ, որ Գորիս քաղաքում 26-ամյա մի երիտասարդ երեկ ինքնասպանության փորձ է կատարել: Իսկ պատճառը, մեզ հասած տեղեկությունների համաձայն, ինչ-որ օտարեկրացի կնոջ հետ սոցցանցով ստեղծած կապն է եղել: Կինը հայ երիտասարդի հետ տեսազանգ է ունեցել, մոնտաժել նրան՝ ստեղծելով ինտիմ բնույթի տեսարաններ, ապա՝ սպառնացել, թե դրանք կտարածի:
Տեսանյութը ոչնչացնելու դիմաց օտարերկրացին 15 հազար ռուբլի է պահանջել երիտասարդից: Ստեղծված իրավիճակից դուրս գալու ելքը հայ երիտասարդը ինքնասպանությունն է համարել: Բարեբախտաբար, հարազատներին հաջողվել է լոգարանում զարկերակը կտրած երիտասարդին շտապ հիվանդանոց հասցնել:
Ի դեպ, տեսանյութի մոնտաժված տարբերակում երիտասարդը սեռական կապի է ունեցել մեկ այլ տղամարդու հետ:
.gif)
