ՀՀ հավաքականը կզրկվի՞ ծանրամարտի աշխարհի 2017 թ. առաջնությանը մասնակցելուց. ինչ են պարզաբանում ֆեդերացիայից

ՀՀ հավաքականը կզրկվի՞ ծանրամարտի աշխարհի 2017 թ. առաջնությանը մասնակցելուց. ինչ են պարզաբանում ֆեդերացիայից

Համացանցում տեղեկություն է տարածվել, թե ինը երկրի, այդ թվում նաեւ Հայաստանին, արգելվելու է մասնակցել նոյեմբերին Անահայմում մեկնարկող ծանրամարտի աշխարհի առաջնությանը:

Հայաստանի ծանրամարտի ֆեդերացիայի գլխավոր քարտուղար եւ ազգային հավաքականի գլխավոր մարզիչ Փաշիկ Ալավերդյանը ՀԱՕԿ լրատվականին մեկնաբանեց այդ տեղեկությունը.

«Դա ընդամենն առաջարկ է, որը պետք է քննարկվի սեպտեմբերի 30-ից հոկտեմբերի 1-ը Բուխարեստում կայանալիք IWF գործադիր խորհրդի արտահերթ նիստում: Հայաստանի ծանրամարտի ֆեդերացիան պաշտոնական գրություն չի ստացել, սակայն մենք միջազգային ֆեդերացիային արդեն համապատասխան նամակ ենք պատրաստում»: