Անգլիական Պրեմիեր լիգայի վերսկսվելուց հետո հանդիպումները կմեկնարկեն մեկ րոպե լռությամբ:
Այս մասին հայտնում է լիգայի մամուլի ծառայությունը: Ակցիան նվիրված կլինի կորոնավիրուսի պանդեմիայից մահացածներին, ինչպես նաև հատուկ ակցիա կլինի, որը նվիրված կլինի Անգլիայում համավարակի դեմ պայքարող բժիշկներին:
Ավելի վաղ հայտնի էր դարձել, որ Պրեմիեր լիգայի ակումբները պաշտոնապես անցնում են խմբային մարզումների: Ֆուտբոլային ակումբներն իրենց շրջանում քվեարկություն են անցկացրել և միաձայն համաձայնել են խմբային մարզումները վերսկսել: Անգլիայի առաջնությունը կարող է վերսկսվել հունիսի 17-ին:
Անգլիայի ֆուտբոլի առաջնությունը դադարեցվել էր մարտի 13-ին` կորոնավիրուսի պանդեմիայի պատճառով:
.gif)
