Նկարիչ Հաղթանակ Շահումյանը, armlur.am լրատվականի թղթակցի հետ զրույցում խոսելով մարտի մեկին Ազատության հրապարակում Լևոն Տեր-Պետրոսյանի ելույթի մասին, ասաց, որ մարտի մեկը մեր ժողովրդի ցավոտ և ամոթալի էջերից մեկն է:
Ինչ վերաբերում է ՀՀ առաջին նախագահի ելույթին, որով նա, ըստ էության, համախմբման կոչ արեց, պրն Շահումյանի խոսքով` կոչով չեն միավորվում: «Մեր երկիրն արդեն իսկ միավորման կոչ է, իսկ ընդհանրապես չեմ ուզում մեկնաբանել այդ ելույթը, քանի որ քաղաքական գործիչների մտածողությունը ինձ համար անհասկանալի է»,-ասաց նա:
Մեր զրուցակցի խոսքով` միավորումն ու համախմբումը հնարավոր է միայն բարոյական միջավայրում, իսկ ներկայիս ժամանակաշրջանը մեր երկրի պատմության ամենաբարոյազուրկ ժամանակներից է :
Նկարչից հետաքրքրվեցինք` արդյոք Ծառուկյանը նման է Իվանիշվիլին, որի մասին հայտարարեց ՀԱԿ կուսակցության ղեկավարը, պրն Շահումյանը խուսափողական պատասխանեց.« Դե, երևի, չգիտեմ »:
Արդյոք ԱԺ ոչ չորս իշխանական ուժերի համախմբումը, որի մասին խոսեց նաև Լևոն Տեր-Պետրոսյանը, կստիպի՞ իշխանություններին որոշակի փոխզիջումների գնալ: «Իշխանությունը պետք է ջանքեր թափի, որ մարդիկ իրենց երկրում ապագա տեսնեն: Գիտեք,ես չեմ կարծում, թե մարդիկ կուզենային գիտակցաբար երկրին վնասել, պարզապես մարդու անձնական շահի գիտակցությունն ավելի բարձր է, քան ազգի ու երկրի շահը: Բացի այդ` շատ մարդիկ, օրինակ, չինովնիկներ, իրենց տեղում չեն»,-եզրափակեց Հաղթանակ Շահումյանը:
Սոնա Դավթյան
.gif)
