ԱԺ-ում էր Իրաքի դեսպանը․ նա մասնակցում էր Բաքոյանի առաջարկած նախագծի քննարկմանը

Այսօր Ազգային Ժողովի արտահերթ նիստի օրակարգում մեկ հարց է. ՔՊ-ական պատգամավոր Ռուստամ Բաքոյանն առաջարկում է հայկական օրացույցում եզդիների ցեղասպանության զոհերի հիշատակի օր ավելացնել:

Հենց այս առիթով Բաքոյանը խորհրդարանում էր հավաքել մի խումբ եզդիների, ներկա էին Ֆրանսիայի դեսպանը և ազգությամբ եզդի, քրեական հեղինակություն համարվող Ջնդի Ամարյանը։

ArmLur.am-ը նկատեց, որ ԱԺ նիստին ներկա էր նաև Հայաստանում Իրաքի Հանրապետության դեսպան Սուհայլան Մ․Խալիլ Ալ-Ջուբուրին։

Պատճառն այն է, որ 2014 թվականին եզդիների ցեղասպանությունը տեղի է ունեցել հենց Իրաքի հյուսիս-արևմուտքում գտնվող Սինջար քաղաքում։

Հավելենք, որ Բաքոյանի հեղինակած նախագծով, մասնավորապես, առաջարկվում է փոփոխություններ անել «Հայաստանի Հանրապետության տոների եւ հիշատակի օրերի մասին» օրենքում, եւ օգոստոսի 3-ը օրացույցում նշել 2014 թվականի Սինջարի եզդիների ցեղասպանության զոհերի հիշատակի օր:

Էմմա Միքայելյան