Նստած սպասում ենք, թե երբ են մեզ հասնելու, լարված իրավիճակ է. Կիրանց վարչական շրջանի ղեկավար Կամո Շահինյան

Այս պահին Տավուշի մարզի Կիրանց գյուղ են եկել չափագրողներ:

Գյուղում կան նաև մեծաթիվ ոստիկաններ:

«Մենք չենք կարողանում տեսնենք, բայց որ սկսված է՝ սկսված է: Հիմա մենք ժողովրդի հետ հավաքված՝ նստած սպասում ենք, թե երբ են մեզ հասնելու»,- ArmLur.am-ի հետ զրույցում ասաց Կիրանց վարչական շրջանի ղեկավար Կամո Շահինյանը:

«Չափագրման աշխատանքներ են կատարվում: Սկսվել ա Ոսկեպարի կողմից, բավականին երկար տարածք ա. կգան կհասնեն գյուղին՝ կհասկանանք ինչ ա:
Ոստիկանությունը լրիվ կանգնած ա, մեզնից 3 կմ հեռու են, տարածքում են»:

Հարցին, թե ինչ իրավիճակ է գյուղում՝ Կամո Շահինյանը պատասխանեց, որ շատ վատ իրավիճակ է:

Ընդհանուր առմամբ գյուղացիները լարված են, սպասում են աշխատանքների ավարտին:

Հիշեցնենք, որ «Տավուշը հանուն հայրենիքի» շարժման անդամները՝ Բագրատ Սրբազանի առաջնորդությամբ, մայիսի չորսից Կիրանցից քայլերթով շարժվել են Երևան։
Նրանք Երևան են հասնելու մայիսի 9-ին։

Հիշեցնենք նաև, որ Տավուշի սահմանամերձ գյուղերի բնակիչներն ապրիլի 19-ից բողոքի ակցիաներ են անում Հայաստան-Վրաստան միջպետական ճանապարհին: Նրանք դեմ են սահմանազատման գործընթացին:

Իռեն Գեդեոնյան