Երեկ Ռուսաստանի Խանտիմանսիսկ քաղաքում անցկացվող հավակնորդների մրցաշարում կայացավ վերջին տուրը:
Աշխարհի նախկին չեմպիոն, հնդիկ Վիշվանաթան Անանդը մեկ տուր առաջ ապահովել էր իր հաղթանակը: Նա մրացաշարն անցկացրեց առանց պարտության՝ վստահորեն գրավելով առաջին տեղը և իրավունք վաստակելով կրկին մրցելու աշխարհի ներկայիս չեմպիոն Մագնուս Կարլսենի հետ:
Այս հաղթանակն Անանդի համար հնարավորություն է հետ վերադարձնել աշխարհի չեմպիոնի տիտղոսը, որը նա զիջել էր Կառրսենին անցած տարվա նոյեմբերին իր հայրենիքում՝ Հնդկաստանի Չեննայ քաղաքում կայացած մրցամարտում:
Հայազգի գրոսմայստեր Լևոն Արոնյանը վերջին տուրում զիջեց Դմիտրի Անդրեյկինին, և վաստակելով 6.5 միավոր՝ մնաց մրցաշարային աղյուսակի հետնամասում:
.gif)
