Միջազգային ատոմային էներգիայի գործակալությունը հաստատել է Իրանի Արաք քաղաքի մոտակայքում կառուցվող միջուկային օբյեկտին հասցված հարվածը՝ նշելով, որ «հիմնական շենքերին» վնաս է հասցվել, հաղորդում է BBC-ն։
Իսրայելական ռազմական ինքնաթիռները հինգշաբթի օրը ռմբակոծել են Արաքի ռեակտորը։ Ատոմային էներգիայի միջազգային գործակալությունը (ԱԷՄԳ) հայտարարել էր, որ օբյեկտում միջուկային նյութ չի եղել։
Ռեակտորները, ինչպես Արաքի օբյեկտն է, որը գտնվում է Թեհրանից 250 կմ հարավ-արևմուտք, կարող են օգտագործվել գիտական նպատակներով, բայց որպես ենթամթերք արտադրում են պլուտոնիում, որը կարող է օգտագործվել միջուկային զենք ստեղծելու համար։
ԱԷՄԳ-ի ղեկավար Ռաֆայել Գրոսին ասել է, որ չնայած Իսրայելի հարվածները «մեծ ռադիոլոգիական միջադեպ» չեն առաջացրել, այնուամենայնիվ կա «ճառագայթային վթարի» վտանգ։
Այս բարդ և շփոթեցնող հանգամանքներում, ասվում է հայտարարության մեջ, կենսականորեն կարևոր է, որ ԱԷՄԳ-ն ժամանակին և կանոնավոր կերպով միջուկային օբյեկտների մասին տեխնիկական տեղեկատվություն ստանա։
.gif)
